Dështon misioni i anijes kozmike ruse “Luna-25”, rrëzohet në Hënë

113 563 lexime

124,178FansaPëlqeje

Agjencia ruse e hapësirës Roskosmos, ka njoftur se anija kozmike “Luna-25”, pasi u rrotullua në një orbitë të pakontrolluar, u rrëzua në Hënë.

“Sipas rezultateve të një analize paraprake, për shkak të devijimit të parametrave aktual të shtytjes nga ato të llogaritura, anija kozmike “Luna-25” kaloi në një orbitë të paplanifikuar dhe pushoi së ekzistuari, si rezultat i një përplasjeje me sipërfaqen e Hënës”, thuhet në deklaratën e Roskosmos.

Raketa Soyuz me “Luna-25” është lëshuar më 11 gusht nga kozmodromi Vostochny, ndërsa në datën 16 të muajit ka hyrë në orbitën e Hënës.

Anija kozmike ruse ishte planifikuar të ulej në polin jugor të Hënës të hënën për të kërkuar ujë të ngrirë.

Dështimi për këtë mision prestigjioz nënvizon zbehjen e Rusisë si një fuqi hapësinore pas ditëve të lavdisë së konkurrencës së Luftës së Ftohtë, kur Moska ishte e para që lëshoi ​​një satelit në orbitën e Tokës – Sputnik 1 në vitin 1957 dhe kozmonauti sovjetik Yuri Gagarin u bë njeriu i parë që udhëtoi në hapësirë ​​në vitin 1961.

Rusia nuk kishte tentuar një mision në hapësirë ​​që nga “Luna-24” në 1976, kur Leonid Brezhnev ishte president i Bashkimit Sovjetik. “Luna-25” ishte planifikuar të ulej në polin jugor të Hënës nesër, më 21 gusht, sipas zyrtarëve rusë të hapësirës.

Rusia përballet me konkurrencën nga India, anija kozmike e së cilës, Chandrayaan-3, është planifikuar të ulet në polin jugor të Hënës këtë javë, dhe më gjerësisht nga Kina dhe Shtetet e Bashkuara, të cilat të dyja kanë avancuar ambiciet e tyre hapësinore.

Të fundit

Rama në konferencë me Zelenskyn: Të nderuar të mikëpresim një udhëheqës të rezistencës

Kryeministri Edi Rama deklaroi se kombi shqiptar mbështet Ukrainën në luftën e saj kundër agresionit rus. Në një konferencë të...

Samiti i Ukrainës në Tiranë/ Erdogan: Gati të rikthejmë palët në tryezën e bisedimeve

Presidenti i Turqisë, Rexhep Taip Erdogan ka mbajtur një fjalë përshëndetëse në samitin për Ukrainën që po mbahet në Tiranë. Në një videomesazh presidenti...

FOTOLAJM/ Shkrepet fotoja familjare e samitit për Ukrainën, Rama dhe Zelensky në qendër

Pas përfundimit të punimeve të samitit për Ukrainën në Tiranë, liderët pjesëmarrës janë bashkuar për të shkrepur foton familjare. Kryeministri Rama dhe presidenti i Ukrainës...

E veja e Navalnyt: Nuk jam e sigurt nëse funerali i Alexey do jetë paqësor!

E veja e Alexey Navalny thotë se nuk është e sigurt nëse funerali i tij do të jetë i qetë ose nëse policia do...

Përmbyset autobusi me nxënës në Itali, plagoset rëndë shoferi

Një autobus me nxënës doli nga rruga në Baragiano në Potenza për të shmangur një përplasje kokë më kokë me një makinë, duke u...

Lajme të tjera

Web TV