Ditën e nesërme kreu i “Rithemelimit”, Sali Berisha do të mbledhi grupin e tij parlamentar në orën 10:00.
Burime për Fax News bëjnë me dije se në këtë mbledhje do të diskutohet rreth vendimarrjeve dhe funksionimit të Grupit Parlamentar me fillimin e sesionit të ri në muajin shtator.
Sipas po këtyre burimeve mësohet se “Rithemelimi” mund të bashkohet me deputët e Partisë së Lirisë për të pasur një grup të vetëm opozitar në Parlament. Ose një skenar tjetër është që “Rithemelimi” të jetë vetë një grup i veçuar parlamentar.
Kjo mbledhje vjen në një kohë kur edhe kreu i PD zyrtare Lulzim Basha thërriti Kuvendin Kombëtar të demokratëve më 4 shtator. Edhe në këtë Kuvend pritet të përvijohet gjithashtu rrugëtimi parlamentar i PD-së zyrtare.
Këto dy mbledhje paralajmërojnë një ndarje edhe më të thellë të dy grupimeve brenda demokratëve dhe ndoshta të përhershme./ S.M
