Ndonëse jemi në mes të shtatorit, duket sikur vera ende nuk ka ikur. Kjo për shkak të temperaturave të larta që na kanë shoqëruar këto këto ditë.
Sinoptikania Lajda Porja tha temperatura do të regjistrojnë 34-35 gradë Celsius gjithë javën që kemi para.
“Termometri do të ngelet në 34-35 gradë Celsius. Janë temperatura shumë të larta. Mund të them se ky është një ndër Shtatorët e vetëm që ka shënuar këto vlera, të paktën nga data 1 e deri më tani”, thotë Lajda Porja në një lidhje direkte për “Klan News”.
Ajo shtoi se dita e enjte dhe e premte e kësaj jave do të shoqërohen me freskim të motit, por që dita e shtunë dhe e dielë do të sjellë sërish temperaturat e larta dhe me diell.
“Ka një freskim të motit ditën e enjte dhe ditën e premte, si dhe një prezencë reshjesh, të cilat do të jenë afatshkurtra dhe të pakta dhe kryesisht në zonat veriore dhe qëndrore, megjithatë, dita e shtunë, do të sjellë përmirësim të motit, rritje të temperaturave deri në 35 gradë dhe e diela do të jetë kryesisht me vranësira dhe me reshje”, shprehet Porja./ S.M
