Mjeku Tritan Shehu por njëkohësisht Kryetar Nderi i Shoqates së Anestezi Reanimacionit, ka reaguar në lidhje me vdekjen e 3-vjeçarit pas mjekimit në klinikën dentare.
Shehu në një postim në rrjete sociale, shprehet se duhet reflektim pas kësaj ngjarjeje të rëndë. Shehu thotë se janë zbatuar normalisht linjat e procesit të anestezise ne kete rast. Më tej në reagimin e tij, Shehu nënvizon se Roland Xhaxho, mjeku i cili akuzohet nga familjarët e tre vjecarit, për vdekjen e të miturit, është një nga anesteziste-reanimatoret me te mire te Shqiperise.
Postimi i Tritan Shehut:
Humbja e jetes se femijes tre vjecar, refleksion.
Si qytetar, si anestezist-reanimator dhe si Kryetar Nderi i Shoqates se Anestezi Reanimacionit desheroj tu shpreh familjes ngushellimet me te sinqerta e te gjithe keqardhjen time per ate humbje te pa mase!
Ndersa si specialist i kesaj fushe desheroj te theksoj se:
—Rezervohem per tu nxituar ne dhenien e gjykimeve te mia profesionale per shkaqet qe cuan ne ate tragjedi. Per te arritur ne konkluzione sa me te sakta duhet pritur pergjigja e kolegeve te anatomo patologjise, pergjigjet laboratorike, etj. Dhe pa dyshim me tej te gjitha te dhenat duhet te diskutohen me specialiste, se bashku me ato klinike e dokumentacionin perkates.
—Sidoqofte nga ato me te cilat jam njohur deri me sot, mund te them se jane zbatuar normalisht linjat e procesit te anestezise ne kete rast. Fatkeqesisht edhe komplikacionet jane pjese e ketij aktiviteti mjekesor shume kompleks, te ralla e te shume llojeshme keto, per aresye nga me te ndryshmet. Megjithate eshte heret per te bere konkluzione mbi shkaqet e humbjes se jetes.
—Si koleg i Prof Xhaxhos, qe kam punuar ngushtesisht me ate qe prej fillimit te viteve 80-te, e ndjej per detyre te ve ne evidence tiparet e tij.
Prof Xhaxho pa asnje lekundje eshte nje nga anesteziste-reanimatoret me te mire te Shqiperise, me nje eksperience e kontribute gjigande, me njohuri e aftesi shume te gjera, te niveleve me te mira europiane. Eshte nje mjek me nje ndjenje te larte pergjegjeshmerie e impenjimi ne punen e tij profesionale. Fale ketyre cilesive jane shpetuar shume e shume paciente.
Mendoj se keto jane dhe mendimet e kolegeve te tjere anesteziste, me te cilet do te diskutojme se bashku per te arritur ne perfundime sa me te qarta.
Sidoqofte dua te perfundoj duke shprehur nje te vertete te madhe, ate qe mjeku eshte njeriu qe shpeton jete, qofte dhe duke sakrifikuar nga vetja e familja e tij, per kete mision qe ka, vecanerisht reanimatoret.
Mjeku nuk eshte as “vrases” e as keqberes, sic fatkeqesisht disa here induktohen me dashje a pa dashje ne opinion te tilla tipare te deformuara. Edhe ai vuan thelle per ”humbjet”, qe mund te kete gjate ushtrimit te profesionit te tij fisnik.
Edhe nje here ngushellimet me te sinqerta.
