Ka nisur hetimi për 60 vjeçaren gjermane në Lukovë që ka shtyrë nga shkallët një 54 vjeçare amerikane një ditë më parë.
Kjo e fundit përfundoi në spital jashtë rrezikut për jetën.
“Referoi materialet në Prokurori, ku nisi procedimi penal për shtetasen gjermane E. H., 60 vjeçe, për veprën penale “Dëmtime të tjera me dashje”, pasi dyshohet se ditën e djeshme, pas një konflikti për motive të dobëta, ka shtyrë nga shkallët, shtetasen amerikane T. P., 54 vjeçe, e cila ndodhet në spital, jashtë rrezikut për jetën. Shtetasja E. H., me sëmundje mendore, vijon të marrë trajtim mjekësor në spitalin psikiatrik të Vlorës”, njofton policia.
Të dyja banonin në dy apartamente pushimi në një godinë të përbashkët, në vendin ku ndodhi edhe konflikti. Turistja amerikane është dërguar për ndihmë mjekësore në spitalin e Vlorës, ndërsa gjermanja është dërguar në spitalin psikiatrik të Vlorës pasi ka probleme të shëndetit mendor./e.t
