Ish-kryeministri Sali Berisha gjatë fjalimit të tij për qytetarët e mbledhur mbrëmjen e sotme tek “Rruga e Shpresës”, bëri sërish thirrje për pjesëmarrje sa më masive në protestën e ditës së premte, para Bashkisë së Tiranës, për të kërkuar dorëheqjen e Erion Veliajt.
Berisha u bëri thirrje të rinjve dhe të rejave, që të jenë të parët në protestë, pasi kjo është një “betejë për jetë a vdekje për demokracinë”
“Të gjitha forcat politike që e shpallin veten opozitare, të vijnë në betejë, sepse beteja është prova e opozitarizmit të vërtetë.
U bëj thirrje të rinjve dhe të rejave, të jenë të parët në këtë betejë.
Sepse, nëse Erion Veliaj, Tiranën që duhej të ishte shtëpia më e bukur, ia ka dorëzuar mafies.
Prandaj edhe ju nuk keni alternativë tjetër, vetëm të largoheni prej saj.
Beteja për çlirimin e Bashkisë është betejë për jetë a vdekje për demokracinë në Shqipëri.
Ftoj çdo demokrat, opozitar, të mendojë se çdo të thotë për të nesërmen e fëmijëve të tij”, u shpreh Berisha./ S.M