Regjistrohen sërish shifra të larta nga COVID-19 në Itali.
Për herë të parë pas 1 muaji numri i të infektuarve është rritur me më shumë se 300 persona të prekur, ndërkohë që janë regjitruar vatra të reja/
Sipas mediave italiane, është zbuluar një vatër e re në rajonin Molize ku janë infektuar shtatë persona me prejardhje nga Venezuela, ku pesë prej tyre kishin mbërritur në Kampobaso më 7 korrik, transmeton Telegrafi.
Disa javë më parë gjysma e rajoneve italiane kanë qenë pa as edhe një rast të ri me COVID-19, derisa dje vetëm Aoste ka qenë pa asnjë pacient të ri të infektuar me coronavirus.
Për herë të parë nga 18 qershori numri i rasteve të reja në baza ditore është rritur në 300. E në mesin e vatrave të reja është Trento, ku janë regjistruar dhjetëra raste të reja, e virusi është identifikuar edhe në një shtëpi të pleqve në Bolonja, ku janë regjistruar 15 raste të reja.
Lombardia vazhdon të jetë rajoni më i goditur në Itali me 81 raste të reja me COVID-19, që i bie të jenë 30 më shumë sesa një ditë më herët, kurse në Lacia numri i rasteve të reja në baza ditore nga 16 sa ishte dikur ka shkuar në 26, ku 12 prej tyre janë “importuar”.
Qeveria italiane planifikon të zgjatë gjendjen e jashtëzakonshme deri më 31 tetor, kurse kryetarët e rajoneve po shqyrtojnë masat e reja për parandalimin e përhapjes së COVID-19, që fillimisht do të mbështeten në ndalet për dalje gjatë natës dhe tubimet.
Në Itali deri më tani me COVID-19 janë infektuar 245.338 persona, prej të cilëve 12.404 janë raste aktive, e 35.092 tjerë kanë humbur jetën si pasojë e këtij virusi. /Ra.My.Fjala,al/
