Ministrja e Jashtme e Suedisë, Ann Linde, zbuloi se ka zhvilluar një bisedë me kryeministrin shqiptar Edi Rama, nën cilësinë e kreut të OSBE, lidhur me krizën në Bjellorusi.
Me anë të një postimi në Twitter, Linde thekson se kryetar aktual i OSBE po koordinon punë me Suedinë e cila merr kryesinë e OSBE pas Shqipërisë lidhur me krizën aktuale në Bjellorusi.
“Fola me mikun tim të dashur që prej shumë vitesh, Edi Rama. Si kryetar aktual i OSBE ne do të koordinojmë punën tonë në lidhje me krizën aktuale në Bjellorusi” shkruan Linde.
Kujtojmë se kryeministri Ram nën cilësinë e kreu të OSBE ka shprehur iniciativën e tij për të shkuar në Minsk dhe për të mundësuar një urë komunikimi mes palëve politike.
Kjo iniciativë e Ramës është mbështetur dhe vlerësuar gjerësisht nga SHBA dhe Bashkimi Evropian.
Pa.Va/Fjala.al
