Kryetari i FRPD-së, Belind Këlliçi ka konfirmuar se ka kaluar koronavirusin, Covid-19. Përmes një postimi në rrjetet sociale ai bën me dije se ka mbaruar karantinën dy javore, ndërsa falenderon të gjithë personat që I uruan shërim të shpejtë.
Këlliçi i bën thirrje të gjithë qytetarëve të ruajnë distancën sociale, të lajnë duart sa më shpesh si dhe të përdorin masivisht maskat mbrojtëse.
“Karantina 2 javore mori fund! Ju falenderoj të gjithëve që më qëndruat pranë dhe më uruat shërim të shpejtë. Kjo periudhë karantine shërbeu për mua si një reflektim për sfidat që na presin.
Ju uroj një të Dielë të mbarë, pranë të dashurve tuaj. Mos harroni! Bëni kujdes, ruani distancën sociale, lani duart sa më shpesh dhe përdorni masivisht maskat mbrojtëse!
Belindi”/Re.Gu/Fjala.al
