SPAK është institucioni më i rëndësishëm i drejtësisë i ngritur pak kohë më parë. Ky institucion përbëhet nga 13 prokurorë. Por a duhet të kemi besim për mënyrën se si do funksionojë? Arben Rakipi një nga njohësit më të mrië të trupës së drejtësisë, deklaron në emisionin HARD TALK NGA ROLAND QAFOKU se në SPAK te dy prokurorë beson shumë.
-Besoni që institucionet e reja do arrijnë atë pritshmëri që ka opinioni publik?
-Duhet kohë. Grupi i prokurorëve që është atje kanë kulturën e punës që dallon nga njëri-tjetri. Dikush ka shumë eksperiencë, dikush ka pak eksperiencë, dikush ka punuar në drejtim, dikush nuk ka punuar fare. Po t’i shtosh kësaj ligjet e reja që janë futur bën një kompleksitet gjërash atje brenda që ajo që të vjen në mend është se duhet pak kohë për tu ambientuar me të rejat. Kur them që duhet kohë, këtë kam parasysh plus influencave të zakonshme.
-Kjo vlen edhe për SPAK-un?
-Jo. Çështja e kohës vlen vetëm në një aspekt, sepse ata janë duke bërë të njëjtën punë. Ata ishin prokurorë, vazhdojnë të jenë prokurorë, kishin ndihmë nga policia, kanë ndihmë nga policia, nuk kanë asnjë argument.
-A jeni optimistë që ata do arrijnë rezultate?
–Çështja e kohës te këta vlen vetëm për faktin e vetë-sugjestimit, të vetë-vlerësimit, që të kalojnë shkallë pas shkalle deri atje ku duhet.
-Do kenë rezultate?
-Unë them se po. Punët e mëdha bëhen nga njerëz të mëdhenj. Njerëzit e zakonshëm nuk bëjnë punë të mëdha.
-A kemi të SPAK-u kështu?
-Mund të ketë dy prej tyre që i njoh, mund të jenë të tillë./Fjala.al/Ke.Ba/
