Një fitore spektakolare ka qenë ajo e Partizanit ditëne sotme në Gjirokastër. Kampionët ende në fuqi kanë fituar me rezultatin 0-3 ndaj Luftëtarit, duke u rikthyer fitoreve pas një periudhe të gjatë vuajtjesh e humbjesh të njëpasnjëshme.
Ishte Solomon ai i cili zhbllokoi rezultatin në minutën e 2-të të lojës, duke i dhënë kështu tronditjen e parë gjirokastriteve, më pas në minutën e 18-të Rron Broja dyfishoi golat për Partizanin. Ndërsa, Melo shënoi rikthimin e fuqishëm të “Demave” të kryeqytetit duke shënuar golin e 3-të në minutën e 72-të të lojës.
Me fitoren e sotme “Demat” e kryeqytetit renditen momentalisht në vendin e tretë të kategorisë me 3 pikë më pak se Tirana e vendit të dytë dhe 4 pikë diferencë nga Kukësi i vendit të parë, por duhet theksuar se këto skuadra dhe pjesa tjetër e Superligës nuk i kanë zhvilluar ende ndeshjet e javës së 20-të, ndaj nuk do ishte habi nëse do shikonim diferenca më të larta apo rrëzim në renditje të Partizanit.
Rikujtojmë se kryeqytetasit kishin vuajtur shumë në ndeshjet e fundit duke marrë vetëm humbje, ndërsa gjirokastritet e renditur të parafundit në kategori u shkatërruan në stadiumin “Selman Stërmasi” nga Tirana me rezultatin 5-1./Fjala.al/Katerina Tafa/
