Këshilli i Ministrave, ka vendosur miratimin e marrëveshjes për ngritjen e pikave të përbashkëta të kalimit kufitar me Maqedoninë e Veriut.
Miratimi i këtij vendimi pritet të sjellë përfitime të përbashkëta për të dy shtetet fqinje, Shqipërinë dhe Maqedoninë e Veriut.
“Në mbështetje të nenit 100 të Kushtetutës dhe të nenit 10, të ligjit nr.43/2016, ‘Për marrëveshjet ndërkombëtare në Republikën e Shqipërisë’, me propozimin e ministrit të Brendshëm, Këshilli i Ministrave vendosi Miratimin, në parim, të marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Maqedonisë së Veriut, për ngritjen e pikave të përbashkëta të kalimit kufitar ndërmjet Republikës së Shqipërisë dhe Republikës së Maqedonisë së Veriut, sipas tekstit që i bashkëlidhet këtij vendimi”.
Forma të aplikimit të kësaj marrëveshjeje janë aplikuar më parë në pikën e kalimit kufitar të Muriqanit me Malin e Zi dhe në pika e kalimit kufitar të Morinës.
Kryerja e kontrolleve të përbashkëta do të sjellë lehtësi kalimi në pikat kufitare për mjetet dhe individët.
