Presidenti i Bjellorusisë, Aleksandër Lukashenko, ka paralajmëruar se nëse Ukraina do të vazhdojë me përshkallëzimin kundër vendit të tij, atëherë ata nuk do të qëndrojnë pa “përgjigje”.
“Nëse Ukraina vazhdon përshkallëzimin kundër Bjellorusisë, Minsku nuk do ta lërë pa përgjigje”, ka thënë Lukashenko sipas agjencisë bjelloruse të lajmeve “Belta”.
Gjithashtu, presidenti tha se ukrainasit po planifikojnë të godasin Bjellorusinë, teksa shtoi se Ukraina shkel kufirin tonë shtetëror me aeroplanë dhe helikopterë.
Ndër të tjera Lukashenko tha se nëse presidenti ukrainas Volodymyr Zelensky refuzon të nënshkruajë një marrëveshje me Putinin, atëherë ai do të detyrohet të nënshkruajë një akt kapitullimi.
