Dy supersfidat e mbrëmjes së djeshme Liverpool-Manchester United dhe Inter-Milan ishin kryefjala e futbollit me të dyja këto përballje që ofruan spektakël, gola dhe polemika.
Ndërkohë, këto janë titujt kryesorë të gazetave sportive më të njohura:
“SPORT” mban titullin Lewandowski vlen 40 milionë euro, duke dhënë shifrën që duhet të paguajë Barcelona për sulmuesin polak.
“Marca” flet për Real Madrid dhe mban titullin “Fillon numërimi mbrapsht”
“Zëvendësi i mburojës” shkruan “AS” e cila ka në fokus Valverde dhe Camavinga, dy lojtarë që i kanë dhënë frymëmarrje Realit këtë sezon në mesfushë.
“Sy më sy” është titulli kryesor i prestigjiozes L’Equipe, e cila u referohet 3 përballjeve Angers-PSG, Marseille-Nantes dhe Bordeaux-Saint Etienne.
“Britma e fundit e Interit” shkruan La Gazzeta Dello Sport, e cila ka në fokus Lautaro Martinez dhe fitoren 3-0 të zikaltërve ndaj Milanit në gjysëmfinalen e Kupës së Italisë e cila u siguroi atyre biletën për në finale.
“iSport” mban titullin “Të frikshëm”,duke nxjerr në pah edhe numrin katër për Liverpoolin i cili mposhti 4-0 Manchester United në “Anfield”.
“Juve çfarë po ndodh”shkruan “Tuttosport”, që i lë hapësirë edhe fitores së Interit në derby me titullin “Interi bërtet 3 herë”, me zikaltrit që presin në finale të kupës fituesin e çiftit Juventus-Fiorentina, me bardhezinjtë favoritë pas fitores në Firence.
“Lautaro padroni”shkruan “Corriere dello Sport” për fitoren e Interit.
“Skuadra katërshe” shkruan “Mirror Sport”, e cila flet për Liverpool, me “The Reds” që shënuan 4 gola dhe konkurrojnë në 4 trofe.
