Gazetari Andi Bejtja e konsideron të vonuar daljen në shesh të presidentit Ilir Meta. Në studion e lajmeve në ‘Ora News’, Bejtja tha se dekreti i paralajmëruar nga Meta mund të jetë një referendum, pasi shpërndarja e Parlamentit duket e pamundur.
“Unë e quaj të vonuar këtë sepse Presidenti sillet në mënyrë institucionale, ndërkohë që shteti nuk funksionion institucionalisht. Edhe nëse Presidenti shpall referendum, mund të ndodh që ata që organizojnë referendumin mos të marrin materialet dhe ta bojkotojnë. Presidenti ka të drejtë ta bëjë këtë sepse përveç unitetit të popullit, është edhe mbrojtës i Kushtetutës. Çfarë duhet të presë më shumë Presidenti? Është një shtet ku Presidenti nuk ka ku mund të ankohet”, tha Bejtja.
Presidentin e shoh në një situatë të vështirë, si të veprojë, si mos të veprojë, tha gazetari.
“Mund të jetë edhe një lëvizje e Presidentit për të sensibilizuar ndërkombëtarët. Por ne kemi parë që ndërkombëtarët nuk japin zgjidhje. Nuk e shoh fundin e kësaj”, shtoi ai.
Gjithsesi, Andi Bejtja është i bindur se më 2 mars, kur Ilir Meta ka thirrur protestën, do të ridimensionohet opozita shqiptare.
“Më 2 mars do të ridimensionohet opozita. Në gjithë këtë lëvizje të madhe që po merr Presidenti, opozita nuk mund të vazhdojë me sloganin “po dëgjoj”. Automatikisht kjo lëvizje e Presidentit ridimensionin opozitën, por pritet për t’u parë se në çfarë niveli”, tha gazetari.
I pyetur nëse Ilir Meta po merr flamurin e opozitës me këtë lëvizje, Bejtja tha se “indirekt e rrezaton këtë”.
Në lidhje me mundësinë e zgjedhjeve të parakohshme, Bejtja theksoi se për momentin nuk është opozita që e ka në dorë këtë zhvillim, por mazhoranca.
SHBA e shqetësuar për 2 marsin? Yuri Kim takon Ramën, Metën dhe Bashën
