Detaje të reja lidhur me tre të huajt që sulmuan me spraj ushtarët në Uzinën e Armëve në Gramsh, kanë dalë në dritë.
Prokuroria e Elbasanit ka ngritur akuzën për spiunazh ndaj dy rusëve dhe ukrainasit.
Ata deklaruar fillimisht se ishin blogerë, por sipas burimeve të hetuesisë në telefonat e tyre janë gjetur foto e materiale të muajit gusht mbi bazat e tjera ushtarake në Shqipëri, përpos asaj të Gramshit.
Me gjetjen e këtyre materialeve janë përforcuar dyshimet se këta persona pjesë e një rrjeti spiunazhi të huaj që kanë si qëllim dëmtimin e interesave të vendit tonë.
Në telefonat e tyre janë gjetur biseda me persona të dyshimtë kryesisht të zhvilluara në “Telegram”, aplikacion i njohur për sigurinë e mos-gjurmimit.
Përsa i përket 4 çekëve të dyshimtë të kapur në Polican, nuk ëshrë konstatuar asnjë lidhje me ngjarjen e Gramshit.
