Neritan Ceka u shpreh se do të jetë i pranishëm në tubimin e 2 marsit të thirrur nga Presidenti. Ai tha se tubimi duhet të jetë për qytetarët dhe jo për partiakët. Ceka tha gjithashtu se pret një sinjal pozitiv nga Partia Demokratike. Sipas tij, vendi është drejt rrënimit.
“O do dalin qytetarët o do dalin partiakët. Nëse ka ndërmend të nxjerri partiakët në 2 mars mendoj se e ka gabim. Është shumë makabre për mua për të ardhmen e këtij vendi. Nëse këta i shkatërrojnë institucionet, ky do ishte skenari më i keq.
Unë personalisht do dalë atë ditë. Do dal sepse e shoh që demokracia është e rrezikuar. Nuk do dal te ura, maksimumi do këndoj “We are the people”. Po më hypi në mendje do këndoj siç kemi kënduar dikur. Nëse këta luajnë për pushtetin e tyre nuk më kanë të vetme. Unë dua një mesazh të qartë nga Partia Demokratike.
Ky vend ka nevojë për popull, për qytetarë. Unë e ndiej si arkeolog. Administrata shqiptare më keq se ka qenë në këto vite dhe seç po pësojnë monumentet e kulturës në këto vite, nuk e ka pësuar as në kohën e sulltanit. Po të qëndrojnë këta edhe një vit, ky vend nuk bëhet më”, tha Nertian Ceka në emisionin “Arena”
