Në QSUT kanë mbërritur katër pacientë nga Berati dhe Skrapari pasi kanë shfaqur simptoma të ngjashme me ato të koronavirusit. Mësohet se një prej pacienteve është një vajze 22 vjeçare, e cila ka pak ditë që është kthyer nga Italia. Së bashku me të, u dërguan në Tiranë edhe një çift bashkëshortësh nga Skrapari, fqinj me 22 vjeçaren, raporton Neës 24.
Ata kanë qenë të tre me temperaturë të lartë dhe bllokim në rrugët e frymëmarrjes. Lajmi konfirmohet nga një infermiere e spitalit të Skraparit, e cila është kërcënuar së bashku me infermierët e tjerë nga drejtuesit e spitalit që të mos tregojnë në lidhje me rastet.
Përveç tre rasteve të nisura nga Skrapari drejt QSUT-së mesditën e sotme, një tjetër rast me simptoma të njëjta është në Tiranë nga Spitali Rajonal i Beratit.
Për të katër pacientët do të priten analizat për të konfirmuar nëse janë infektuar me koronavirus apo jo.
