Shënohet viktima e parë nga koronavirusi në Shqipëri. 73-vjeçarja që ka rezultuar pozitive ndaj koronavirusit dhe që ndodhej e shtruar në spitalin e Durrësit nuk ka mundur që të udhëtojë në drejtim të Tiranës. Mësohet se ajo kishte hipur në ambulancë, por mjekët e kanë kthyer pasi sipas tyre nuk mund ta përballonte dot udhëtimin.
Ditën e djeshme nga analiza u konfirmua se gruaja ishte e infektuar me koronavirus, ndërkohë shtohet se viktima vuante edhe nga sëmundje të tjera.
Ajo ndodhej në gjendje të rëndë në reanimacionin e Durrësit, ku ka qenë për vizitë që prej 3 marsit me simptoma gripi, ndërsa ishte e shtruar në gjendje të rëndë para 7 ditëve. Gruaja kishte qenë në Bolonja të Italisë dhe shkoi vetë në spital.
Gruaja e infektuar me koronavirus kishte qenë në kontakt të vazhduar me mjekët, infermierë dhe të Durrësit,por edhe me pacientët e tjerë si dhe familjarë të saj e të personave që ndodheshin të shtruar. Ndërkohë iu janë bërë analizat 30 mjekëve dhe infermierëve që kanë pasur kontakt me 73-vjeçaren.
Ndërkohë aktualisht janë të konfirmuar 11 persona të tjerë të prekur nga koronavirusi, Covid-19./Fjala.al/
