Gratë që shërbejnë në luftanijet më të mëdha japoneze “Kaga”, janë një grup i shtrënguar në vijën e frontit të një shtytjeje, për të transformuar marinën e vendit në një forcë të përzier gjinore, ku burrat i tejkalojnë ato më shumë se 10 në një.
Fotografitë të realizuara nga Kim Kyung-hoon dhe reporter Tim Kelly për Reuters
Foto 1 Forcat detare të vetëmbrojtjes japoneze po vuajnë efektet e rënies së numrit të lindjeve. Për shkak të popullsisë së plakur vendase, nuk ka burra të mjaftueshëm për ekuipazhet e anijeve luftarake dhe transportuesit e helikopterëve, si “Kaga”, dhe forcat duhet të rekrutojnë për pasojë më shumë gra.
Foto 2 “Gratë në të gjithë botën punojnë në një numër më të madh fushash, dhe unë mendoj se Japonia duhet të jetë pjesë e kësaj”, thotë Akiko Ihara, një nënoficer i marinës, i cili paraqitet si udhërrëfyes për uljen e një SHAH-60K Seahawk në Kuvertën e fluturimit të Kagës.
Foto 3 Përqindja e grave në ekuipazhin prej 450 anëtarësh të Kagës është rreth 9%. Japonia dëshiron që përqindja e grave në të gjithë ushtrinë të rritet në 9% deri në vitin 2030, nga 6% aktualisht.
Foto 4 Detarët shohin një stërvitje zjarri në bordin e “Kaga”-s në Oqeanin Indian.
Foto 5 Ayako Yoneda (djathtas), një zjarrfikëse dhe inxhiniere në Kagë, thotë: “Kur u bashkova 9 vjet më parë, kishte pak gra dhe ndihesha sikur burrat nuk dinin se si të merreshin vesh me ne. Mendoj se burrat tani shohin më shumë gjëra nga perspektiva jonë. Është bërë një vend më i butë”.
Foto 6 Një kuzhiniere femër që përgatit sushit në kuzhinën e anijes.
Foto 7 Marinarët praktikojnë karatenë në hangar.
Foto 8 Japonia ka një nga flotat më të mëdha të botës, me 45.000 anëtarë në ekuipazhe, në më shumë se 100 anije, përfshirë nëndetëset, shkatërruesit dhe transportuesit e helikopterëve.
Foto 9 Forcat detare të vetëmbrojtjes japoneze, të cilat lejojnë në ekuipazhin e anijeve edhe femrat, tanimë prej një dekade, së shpejti mund të heqin edhe pengesën e fundit të madhe për marinaret femra, atë të të dhënit fund kufizimit nga ushtrimi i detyrës në nëndetëse, thonë burime të Ministrisë së Mbrojtjes.
Foto 10 Ushqime të ndryshme të gatshme në mensë.
Foto 11 “Kaga” ishte në rrugën e saj për në Sri Lanka pas stërvitjeve të kontestuara në Detin e Kinës Jugore, si pjesë e një dislokimi dymujor në ujërat që shtrihen nga Paqësori Perëndimor në Oqeanin Indian.
Foto 12 Autorizuar në vitin 2017, “Kaga” është midis një brezi të ri anijesh, të dizenjuara për të akomoduar për ekipe të përziera, me më shumë tualete dhe dushe, sesa anijet më të vjetra.
Foto 13 Shenjat në hyrje të dhomave të ndara të gjumit, paralajmërojnë mbajtjen larg të meshkujve. Marinarët në brendësi mbajnë bipera elektronikë, që të mund të kontaktohen, duke përdorur tastiera numerike pranë dyerve.
Foto 14 Flota e Japonisë lufton shumë me forcat ajrore por dhe me ushtrinë për të gjetur rekrutë.
Foto 15 Një infermiere femër ndihmon dentistin e anijes.
Foto 16 Yuma Osaki, një lundërtare, përgatitet të godasë, në një kacafytje, në urën e komandimit të “Kaga”-s pasi del nga portet e Xhakartës, Indonezi, për stërvitjet detare në Oqeanin Indian.
Foto 17 Një navigatore femër mban një mbajtëse çelësash Snoopy gjatë stërvitjeve të zakonshme.
Foto 18 Prania e grave në bord ka pasur një përfitim të papritur për burrat, thotë Shefi i Komandës, Yasuharu Tohno, marinari më i vjetër i regjistruar në bord. “Ata rruhen rregullisht dhe hekurosin rrobat e tyre”, thotë Tohno, i cili u bashkua me një flotë ku të gjithë ishin meshkuj, 35 vjet më parë.
Burimi: www.theguardian.com
Përgatiti për botim: Leonard Veizi
