165 milionë njerëz ranë në varfëri në tre vjetët e fundit

113 563 lexime

124,178FansaPëlqeje

Pandemia COVID-19, kriza e kostos së jetesës dhe lufta në Ukrainë kanë shtyrë 165 milionë njerëz në varfëri që nga viti 2020, u tha në një raport të publikuar më 13 korrik nga Organizata e Kombeve të Bashkuara (OKB). OKB-ja bëri thirrje që të shqyrtohet mundësia e një pauze në shlyerjen e borxhit për vendet në zhvillim. Për shkak të këtyre krizave, 75 milionë njerëz mendohet se kanë rënë në varfëri ekstreme gjatë periudhës kohore 2020-2023. Varfëri ekstreme cilësohet kur një person jeton me më pak se 2.15 dollarë në ditë.

Daniel Speckhard, ish-zyrtar amerikan, aktualisht president i Corus International, një organizatë globale që ofron ndihmë për njerëzit e prekur nga krizat humanitare. Sipas një studimi të publikuar nga Programi i Kombeve të Bashkuara për Zhvillim edhe 90 milionë të tjerë do të bien nën kufirin e varfërisë prej 3.65 dollarë në ditë.

“Më të varfrit vuajnë më shumë dhe të ardhurat e tyre në vitin 2023 parashikohet të mbeten nën nivelet e para pandemisë”, thuhet në raport. “Në vendet me borxhe të larta, ekziston një korrelacion midis niveleve të larta të borxhit, shpenzimeve të pamjaftueshme sociale dhe një rritjeje alarmante të normave të varfërisë”, tha në një deklaratë shefi i UNDP-së, Achim Steiner. Sipas një raporti tjetër të OKB-së të publikuar më 12 korrik, rreth 3.3 miliardë njerëz, gati gjysma e njerëzimit, jetojnë në vende ku shpenzohet më shumë për pagesën e interesit për borxhin sesa për arsimin dhe shëndetin.

Dhe vendet në zhvillim, pavarësisht se kanë nivele më të ulëta të borxhit, po paguajnë më shumë interes, pjesërisht për shkak të normave më të larta.

Lexo edhe :  Mashtrimi global përmes telefonave, si mund t’iu boshatiset llogaria bankare/ Kujdes

Sipas raportit, kostoja vjetore e nxjerrjes nga varfëria të 165 milionë njerëzve do të ishte mbi 14 miliardë dollarë amerikanë. Në fillim të kësaj jave, Sekretari i Përgjithshëm Antonio Guterres, i cili ka bërë presion për një reformë të institucioneve financiare ndërkombëtare, denoncoi “sistemin tonë financiar global të vjetërsuar, i cili pasqyron dinamikën e fuqisë koloniale të epokës kur u krijua”.

Të fundit

Sondazhi-Cilin politikan besojnë shqiptarët më shumë?/ Ja si renditen Rama dhe Berisha

Një sondazh i publikuar nga  Qendra e Institutit Ndërkombëtar Republikan (IRI) tregon se cilin nga politikanët mbështesin më shumë...

Kneecap merr 17 nominime për çmimet e Akademisë së Filmit dhe Televizionit Irlandez

Biopic Kneecap, i nominuar për filmin më të mirë ndërkombëtar dhe këngën më të mirë origjinale, mori 17 nominime në Çmimet e Akademisë së...

Lëkundje tërmeti në vend, ja ku ishte epiqendra

Një tërmet me magnitudë 3.8 është rregjistruar këtë të martë rreth orës 19:11. Mësohet se epiqendra është në Ballgjin, në Qarkun e Elbasanit. Ndërkohë, thellësia fokale...

Masa të rrepta sigurie për inaugurimin e Presidentit të zgjedhur Trump

Me dyzet e tetë kilometra gardhe të përkohshme, 25,000 oficerë policie dhe postblloqe sigurie të vendosura për të kontrolluar qindra mijëra spektatorë, Uashingtoni është...

Blinken paraqet planin për qeverisjen e Gazës pas përfundimit të luftës

Sekretari amerikan i Shtetit, Antony Blinken, më 14 janar paraqiti planin për menaxhimin e Gazës në periudhën e pasluftës, duke thënë se administrata në...

Lajme të tjera

Web TV