Mëngjesin e kësaj të shtune Taulant Balla është betuar në Presidencë si Ministër i Brendshëm.
Betimi i tij si ministër është bërë para Presidentit Bajram Begaj dhe në praninë e Kryetarës së Kuvendit Lindita Nikolla, deputeteve të Partisë Socialiste Milva Ekonomi, Ermonela Felajt dhe jo vetëm.
Emërimi i tij nga Kryeministri Edi Rama vjen pas shkarkimit nga kjo detyrë e Bledi Çuçit.
Në datën 13 korrik Parlamenti aprovoi me anë të votimit emërimin e Taulant Ballës në krye të digasterit të Ministrisë së Brenshme.
Kuvendi miratoi emërimin e tij me 75 vota pro, 16 kundër, 1 abstenim.
Balla është shprehur se do të bëjë gjithçka të mos zhgënjejë askënd në kryerjen me sukses të detyrës së Ministrit të Brendshëm në qeverinë e Kryeministrit Edi Rama dhe theksoi se do t’i shërbente me përulje çdo qytetari të Shqipërisë.
