Disa fshatra të Fushë-Krujës, të prekura nga tërmeti janë lënë në mëshirën e fatit.
Banorët akuzojnë qeverinë se nuk është dukur fare këtyre anëve për t’i parë nëse “janë gjallë apo kanë vdekur”. 
Në videon e publikuar nga Partia Demokratike shihet dëmet e mëdha që ka shkaktuar tërmeti dhe si banorët u duhet të jetojnë në çadra, pavarësisht temperaturave të ulëta.
Anton Shota, një nga banorët e fshatit Bilaj, njësia Administrative Bubq, që është prekur nga tërmeti pohoi se shtëpia e tij është shkatërruar totalisht dhe jeton veti i tretë në çadër.
Ndërkohë, Qamil Korriku, nga fshati Mazhe e Madhe tha se askush nuk ka shkuar që t’i pyesë nëse kanë nevojë për ndihmë. “S’ka ardh kush me pyet a je gjallë apo vdek”, pohoi ai.
Situata paraqitet e vështirë edhe për një tjetër familje në Bubq, ndërsa kryemiljari hodhi akuza se qeveria po ndihmon vetëm mbështetësit e PS-së.
“Askush nuk na ka ndihmuar. Ka ardhur Olta Xhaçka në fshat, por tek unë jo. Ka ardhur tek partia e vet. Te ata që s’janë me të, nuk vinë. Ka shkuar atje ku ka votat e PS.”
