Chelsey Earnest është infermiere e një qendre shëndetësore në Kirkland, epiqendra e epidemisë në Uashington. Në një intervistë për CNN, ajo është shprehur se “sytë e kuq” ishin shenja e vetme që të gjithë të sëmurët me Covid-19 kishin të përbashkët.
“Është diçka që e pashë tek të gjithë pacientët. Sytë e tyre ngjanin sikur të kishin alergji. Pjesa e bardhë e syve nuk ishte e skuqur, më shumë dukej sikur kishin hije të kuqe jashtë syve.”
Qendrat për Kontrollin dhe Parandalimin e Sëmundjeve nuk i rendisin sytë e skuqur, ose ndonjë problem tjetër sysh, në listën e simptomave. Deri më tani ata kanë renditur si simptoma të Covid-19: temperatura, kolla dhe vështirësi në frymëmarrje. Dhimbja e vazhdueshme në kraharor si dhe nxirja e buzëve listohen si shenja emergjente.
Gjithsesi, Akademia Amerikane e Oftamologjisë lajmëroi ditën e diel se virusi mund të shkaktojë edhe inflamacion të membranës së qepallave./CNN
