Një i moshuar nga qyteti i Gjirokastrës i ka bërë thirrje kryeministrit Rama që të largohet nga drejtimi i qeverisë pasi e ka lënë atë në vështirësi të mëdhë ekonomike.
I moshuari i drejtohet Ramës se duhet të largohet pasi ka ndenjur plot në postin e kryeministrit, ndërsa mban në dorë bukën thatë.
Në videon e cila është bërë virale në rrjet, i moshuari nga qyteti i gurtë i ankohet Ramës se nuk i mjafton rritja e pensionit që ka akorduar qeveria për pensionistët.
“Rama ik! Na le pa bukë, hamë bukën thatë me misër. Na rrite pensionin 9 mijë lekë, ç’do bëjmë me aq lekë na?! Të mbajmë shtëpi, a fëmijë a, a prokopi. Na ra çatia. Ik Rama ik se ndenje plot,”-thotë i moshuari.
Slogani “Rama ik” është përdorur gjerësisht nga opozita jashtë parlamentare gjatë protestave të saj. Ky slogan duket se është bërë aq popullor sa përdoret edhe në këto raste si në thirrjen e të moshuarit nga Gjirokastra.
