Presidentja e Kosovës, Vjosa Osmani, ka reaguar pasi vendi i saj ka kaluar me sukses hapin e parë për anëtarësim të plotë në Këshillin e Evropës.
Osmani, përmes një postimi në rrjetin social X, shprehet se pas këtij hapi pozitiv, Kosova do të vazhdojë të punojë me aleatët për t’u siguruar që të gjithë qytetarët të kenë qasje në instrumentet e Këshillit të Evropës përmes anëtarësimit të plotë.
“Ne do të vazhdojmë të punojmë me aleatët për të siguruar që të gjithë qytetarët tanë të kenë akses të drejtë në instrumentet e KiE përmes anëtarësimit të plotë të Kosovës”, shkroi Osmani./O.S
