Prestigjozja britanike ‘The Telegraph’ ka përzgjedhur pamjet nga laguna e Nartës në Shqipëri si pjesë e lajmeve pozitive nga bota, ndërkohë që të gjithë po vuajmë pasojat e koronavirusit.
“Flamingot rozë dhe pelikanët kaçurrelë po ‘lulëzojnë’ falë qetësisë së lagunave përreth vijës bregdetare perëndimore të vendit”, shkruan The Telegraph.
Qetësia relaksuese që përcjellin fotot e publikuara fillimisht në Agence France-Presse (AFP), është pasqyruar edhe në media të tjera ndërkombëtare.
“Me turistët larg, varkat e ankoruara dhe fabrikat e mbyllura për shkak të bllokimit nga koronavirusi, flamingot rozë të Shqipërisë dhe pelikanët kaçurrelë po ‘lulëzojnë’ në qetësinë e re të lagunave në vijën bregdetare perëndimore të vendit”, shkruan France 24.
Edhe turkja Daily Sabah ka publikuar fotot e flamingove në lagunën e Nartës./Fjala.al
