Pritet që të dielën e fundit të tetorit (27/10) t’i kthehemi një orë mbrapa, teksa tani jemi zyrtaisht në vjeshtë.
Këtë vit ndryshimi i orës do të bëhet në orën 4:00 të mëngjesit të datës 27 tetor.
Pse ndryshimi i orës nuk u hoq siç ishte planifikuar?
Ndryshimi i fundit i kohës ishte planifikuar për në mars 2021, me shtetet anëtare në Bashkimin Evropian që u kërkohet të zgjedhin një nga dy zonat (dimër ose verë). Megjithatë, ky vendim nuk u zbatua kurrë.
Një rol të rëndësishëm në këtë vendim luajtën ndër të tjera edhe “efektet” e ndryshimit të orës në orën biologjike, si vështirësia e përshtatjes së menjëhershme.
Si erdhi ndryshimi i kohës?
Ora ditore, është ndryshimi i orës që një shtet zgjedh të miratojë për një periudhë të vitit.
Ky ndryshim është përgjithësisht një orë përpara kohës diellore. Ai bazohet në një sistem që synon të përdorë sa më mirë dritën e ditës për të kursyer energji.
Theksohet se pjesa e popullsisë së botës që zgjedh të rrotullojë akrepat e orës çdo gjashtë muaj, pasi pothuajse të gjitha vendet aziatike dhe afrikane nuk marrin pjesë.
Ideja i atribuohet Benjamin Franklin-it që në vitin 1784, në mënyrë që drita natyrale të jetë e disponueshme gjatë muajve të verës.
Një shekull më vonë William Willett, një biznesmen britanik i përfshirë në ndërtim, e mbështeti këtë propozim. Willett madje kishte shkruar për këtë temë në 1907 nën titullin Waste of Daylight, por në fund nuk arriti të bindte qeverinë britanike.
Ndryshimi aktual i orës, siç e njohim sot, bazohej në qasjen më shkencore të entomologut të Zelandës së Re, George Hudson. Ai vuri re se orët më të gjata të ditës në muajt e verës e ndihmuan atë të mblidhte më shumë insekte. Kështu, ai bëri propozimin përkatës në 1895./ S.M