Bordi drejtues i gazetës “Fjala” vendosi që gazetari i njohur Roland Qafoku të emërohet Drejtor i Përgjithshëm i gazetës “Fjala” print dhe ‘on line’.
Roland Qafoku është një nga gazetarët më të njohur në Shqipëri. Ai ka një karrierë mbi 23-vjeçare në gazetari. Qafoku ka qenë gazetar dhe drejtues i gazetës “Koha Jonë”, kryeredaktor i gazetës “Panorama” dhe “Tirana Observer” si dhe ka qenë drejtor i Informacionit i televizionit gjeneralist “TV Koha” dhe televizionit informativ “TV Ora News”. Roland Qafoku ka qenë drejtues i emisioneve politike në “Ora News”, “Planet TV” dhe “TV Channel One”.
Ai mban gradën shkencore PHD, Doktor në Shkencat e Komunikimit, të mbrojtur në Universitetin e Tiranës dhe është pedagog i jashtëm në Departamentin e Gazetarisë dhe Komunimit në Fakultetin e Historisë dhe Fiolologjisë.
Roland Qafoku është autor i librave “Historia e 33 kryeministrave të Shqipërisë, nga Ismail Qemali te Edi Rama” si dhe “100 vrasjet më të bujshme në historinë e shtetit shqiptar 1912-2017.
Me emërimin e tij si Drejtor i Përgjithshëm i gazetës “Fjala”, bordi drejtues shpreh bindjen se gazeta “Fjala” do të arrijë të jetë një nga gazetat më të rëndësishme dhe më me ndikim në Shqipëri.
Bordi drejtues i gazetës “Fjala”
