Një ditë pasi lajmëroi se do të heqë dorë përkohësisht nga detyrat e angazhimet e saj publike, të tjera lajme publikohen rreth Mbretëreshës Elizabeta.
Për shkak të situatës së pandemisë, sikurse bën të ditur e përditshmja britanike “The Sun”, monarkja 94 vjeçare mund të mos kthehet kurrë më në krye të punëve e drejtimit të vendit, pasi situata e rrezikut nga Covid-19 mund të zgjasë për disa vite.
Mbretëresha do të qëndrojë në izolim në kështjellën Windsor, në atë që do të jetë mungesa më e gjatë në publik përgjatë 68 viteve mbretërim, shkruan The Sun.
Mbretëresha nuk tërhiqet nga froni dhe as nga angazhimet e saj, theksohet nga zyra e shtypit por thjesht nuk do të shfaqet më në publik.
Mbretëresha do të vihet në dijeni për çdo vendim të qeverisë dhe parlamentit përmes atyre që quhen mesazhe të kuqe ndërsa 1 herë në javë do të kete një raportim periodik edhe nga ana e kryeministrit Boris Johnson.
