Plotë 32 mijë maturantë në të gjithë vendin iu nënshtruan provimit të dytë të maturës shtetërore, përkatësisht atij të Gjuhës Shqipe dhe të Letërsisë.
Provimi nisi në orën 10:00 dhe në bazë të protokollit anti covid ai zgjati 2 orë.
Në përmbajtje testi kishte 60 pyetje. Ndryshe nga vitet e tjera, teza nuk përmbante zhvillimin e një eseje por vetëm pyetje me alternativa.
Edhe gjatë këtij provimi u zbatuan masat anti-Covid, duke mos u lejuar më shumë se 15 persona në klasë, ndërkohë që nuk u shënuan raste të dyshuara për Covid.
Provimi i radhës është ai i matematikës i cili do të mbahet të hënën në 15 qershor.
Nisur nga situata e pandemisë së koronavirusit edhe korrigjimi i testeve do të bëhet në mënyrë elektronike.
Fatmirësisht edhe këtë të enjte salla Covid nuk është përdorur, pasi nuk ka pasur asnjë maturantë me temperaturë mbi 37.5.
Bo.Ba/fjala.al
