Ministri i Jashtëm në detyrë i Shqipërisë, Gent Cakaj ka komunikuar ditën e sotme në telefon me homologët e Turqisë, Italisë, Hungarisë dhe Sekretaren për Çështjet Europiane në Francë.
Lajmin e ka bërë publike përmes një postimi në rrjete sociale ku njofton se temat e diskutimit kanë qenë lufta ndaj COVID-19, rihapja graduale e kufijve dhe rindërtimi i banesave të dëmtuara nga tërmeti i 26 nëntorit. Ai ka falenderuar homologët për ndihmën e dhënë ndaj Shqipërisë.
“Në ndërkohë zhvillova edhe telefonata me Ministrin e Jashtëm të Turqisë ??, z. Mevlüt Çavuşoğlu, të Italisë ??, z. Luigi Di Maio, të Hungarisë ??, z. Péter Szijjártó dhe Sekretaren e Shtetit për Çështjet Evropiane të Francës ??, znj. Amélie de Montchalin për të biseduar lidhur me luftën e përbashkët kundër COVID-19 dhe bashkërenduar veprimet për hapjen graduale të kufijve dhe rifillimin e fluturimeve direkte. Falënderues për mbështetjen e këtyre vendeve për procesin e rindërtimit pas tërmetit dhe luftën kundër pandemisë ?!” shkruan Cakaj./En.Br./Fjala.al
https://www.facebook.com/cakajgent/photos/a.2300907456845549/2644219942514297/?type=3&theater
