Një ngjarje e rëndë ka ndodhur në në Vitomiricë të Pejës, Kosovë. Babai ka mbyllur për dy ditë rresht katër fëmijët e tij të mitur në bodrumin e shtëpisë.
Ngjarja është denoncuar në polici nga gjyshi i familjes dhe tashmë kryefamiljari me inicialet R.Z., ka rënë në pranga. Përveç se i kishte lënë për dy ditë të ngujuar, ai kishte ushtruar edhe dhunë fizike mbi vajzën e madhe, 15 vjeçe.
Gjyshi i fëmijëve ka rrëfyer se nuk ka arritur që ta ndalojë dot për shkak të shëndetit fizik të dobët që ka dhe është detyruar që këtë çështje ta lërë në duart e policisë.
Sipas mediave kosovare, babai i 4 fëmijëve është dërguar në Qendrën e Shëndetit Mendor, ku ka kryer kontrolle mjekësore dhe rezulton të ketë probleme të shëndetit mendor.
Sipas shefit të repartit të psikiatrisë në spitalin e Pejës, babai në fjalë nuk pranon as ushqim as ilaçe.
/En.Br./Fjala.al
