Presidenti i vendit, Ilir Meta ka reaguar në një postim të tij në ‘Facebook’ lidhur me situatën politike në vend dhe në rajon duke kujtuar kështu zgjedhjet parlamentare që do të mbahen pas pak ditësh në Maqedoninë e Veriut.
Meta i bën thirrje politikës shqiptare se nuk duhet të humbas asnjë minutë kohë për përmbushjen e kushteve thelbësore për çeljen e negociatave.
Presidenti ka krahasuar gjendjen politike në Maqedoninë e Veriut e cila shfaqet e qetë dhe e sigurt edhe pse janë shumë pak ditë që i ndajnë nga zgjedhjet parlamentare ndërsa në Shqipëri edhe pse pse ende nuk ka një datë të konfirmuar zgjedhjesh ka shumë tension.
“Verbëria për mbajtjen apo marrjen me çdo çmim të pushtetit na ka bërë që të dukemi me fqinjin tonë lindor sikur u përkasim dy kontinenteve të largëta.”-është shprehur Presidenti.
