Giacomo Vrioni, sulmuesi i Kombëtares U-21 të futbollit shqiptar është duke u kërkuar për t’u blerë nga ekipi U23 i Juventusit.
Duket se lojtarët shqiptar po pëlqehen shumë nga klubet më të mëdha të futbollit në Itali e Spanjë. Pas kalimit të Rey Manaj te Barcelona B dhe kërkesës së Interit për të marrë Marash Kumbullën, duket se dhe fati i Vrionit po drejtohet në klubet elitare të Europës.
Futbollisti i Sampdorias që është huazuar nga Citadela e Serisë B mund të bashkohet me skuadrën e Juves, pasi 21-vjeçari shqiptar nuk po gjen minutash të mjaftueshëm për t’u aktivizuar.
Klubi në të cilin mund të kalojë Vrioni luan në Serinë C, por ky transferim mund të jetë pozitiv për të ardhmen e 21-vjeçarit të kombëtares shqiptare./Fjala.al/
