Huanggang është qyteti i dytë kinez që është vendosur në izolim për të mos përhapur më tej virusin vdekjeprurës.
Autoritetet po përpiqen që të ndalojnë përhapjen e koronavirusit duke izoluar qytetin Wuhan dhe Huanggang, qytet i cili ka një popullsi prej 7 milionësh.
Në këtë qytet janë evidentuar 12 raste të prekur nga koronavirusi. Gjithashtu rrjeti i transportit të autobusëve dhe trenave do të mbyllet i gjithi në ditën e sotme. Qytetarëve u është kërkuar të mos largohen me mjete të tjera.
Jeta e banorëve është kthyer e gjitha përmbys, teksa kinematë, kafenetë do të mbyllen.
Sipas autoriteteve virusi po përhapet me shpejtësi alarmante. Ndërsa spitalet po përmbyten nga të prekurit me virusin vdekjeprurës.
Si u përhap virusi:
31 Dhjetor-Kina paralajmëron Organizatën Botërore të Shëndetësisë për një seri rastesh të ngjashme me pneumoni në Wuhan.
1 janar-Mbyllet tregu i prodhimeve të detit në Wuhan
9 janar-OBSH thotë se infeksioni është shkaktuar nga një lloj i ri koronavirus
11 janar-Ndodh vdekja e parë
13 janar-Virusi përhapet jashtë vendit, me një rast të dyshuar në Tajlandë
20 janar-Përhapet në Pekin, Shenzhen dhe Shanghai; zyrtarët kinezë konfirmojnë transmetimin e virusit nga njeriu te njeriu.
21 janar-Autoritetet amerikane njoftojnë rastin e parë në SHBA- një person kishte vizituar Wuhan
22 janar-Numri i vdekjeve ngjitet në 17, më shumë se 500 raste të prekur nga virusi
23 janar-Wuhan, mbyllet qyteti prej 11 milion banorësh. Autoritetet njoftojnë se do të mbyllet në mbrëmje edhe qyteti tjetër, Huanggang./Fjala.al/
