Ashtu siç pritej aventura e mesfushorit gjerman, Emre Can te skuadra e Juventusit ka mbaruar. Can do të largohet këtë merkato nga Seria për të kaluar në Bundesligën gjermane në skuadrën e Borussia Dortmund.
Para se të kalonte te “Zonja e Vjetër”, gjermani ishte pjesë e klubit anglez të Liverpool, ndërsa në 2018-ën lëvizi me parametra 0. Ndërsa, momentalisht Can vendosi që të largohej nga Juvja, pasi deri më tani nuk gjeti hapësirë në formacionin italianëve dhe pati një minutash minimal aktivizimi. Ai madje u la jashtë listës së bardhezinjëve për Champions-in, duke bërë kështu që mesfushori të kërkonte me patjetër një skuadër të re.
Megjithatë Borussia Dortmund është e gatshme të paguajë 18 milionë euro për të blerë kartonin e lojtarit nga italianët, por “Zonja e Vjetër” nuk pranon një shifër nën 30 milionë euro.
Mediet italiane raportojnë se të dy klubet janë duke tentuar që të ulin paksa diferencën e shumës në mënyrë që të realizohet kalimi i Can në Bundesligë. Megjithatë shtohet edhe se Juve po tenton të përfitojë nga largimi i gjermanit dhe sipas raportimeve bëhet me dije se mund të kërkohet dhe një formulë huazimi. Ndërkohë, largimi i Can nga Juventus duket se është tashmë çështje orësh./Fjala.al/
