Skuadra e Milan mund të humbasë dy nga emrat më të rëndësishëm të saj gjatë merkatos së verës.
Zlatan Ibrahimovic dhe portieri 20-vjeçar Gianluigi Donnarumma me shumë mundësi mund të largohen nga “Djalli” i Italisë.
Nga raportimet e “Calciomercato” mësohet se për shkak të reformave të menaxhimit të klubit këta dy lojtarë ka gjasa të largohen.
Drejtori Zvonomir Boban u shkarkuar nga drejtori gjeneral Ivan Gazidis, ndërsa pritet edhe largimi i Paolo Maldinit e Frederic Massaras.
Agjenti i Ibrahimovic dhe njëkohësisht edhe i Donnarummas, Mino Raiola është i shqetësuar me lëvizjet që po ndodhin brenda Milanit.
Në muajin prill pritej që agjenti i dy yjeve të Milan dhe “Rossonerët” të bisedonin për kontratën e re të suedezit dhe portierit italian, mirëpo situata mund të ndryshojë.
Emra të tjerë që mund të largohen nga “San Siro” janë edhe, Alessio Romagnoli dhe Giacomo Bonaventura, derisa në garë për kapitenin e tyre janë Barcelona e Atletico Madrid./Fjala.al/