Në kufirin midis Turqisë dhe Greqisë vazhdojnë përplasjet mes policisë dhe emigrantëve që duan të hyjnë në shtetin grek pas hapjes së kufirit nga ana e Ankarasë zyrtare.
Kështu në kufirin mes Greqisë dhe Turqisë janë dëgjuar të shtëna armësh dhe është hedhur gazlotsjellës nga ana e policisë greke e cila ka tentuar të pengojë emigrantët të mos kalojnë kufirin për në shtetin helen.
Pamjet tregojnë se si policët grekë përpiqen të ndalojnë vërshimin e emigrantëve, duke gjuajtur me armë dhe lëshuar gazlotjsellës.
Turqia hapi kufirin me Greqinë, duke lejuar emigrantët sirianë të hyjnë në territorin grek. Një veprim ky që ka çuar në përplasje midis dy vendeve si dhe mes Bashkimit Evropian dhe Turqisë.
