Një 27-vjecare nga Polonia ka ndërruar jetë si pasojë ekoronavirusit vetëm pak ditë pasi ka sjellë në jetë fëmijën e saj dhe është bërë viktima më e re nga sëmundja e rrezikshme.
E reja ishte infektuar me koronavirus nga nëna e saj, e cila ishte kthyer nga Italia dhe nuk ka mundur që të mbijetojë.
27-vjeçarja nga provinca e Podkarpackie në Poloni kishte vetëm një javë që kishte lindur me një ndërhyrje çezariane dhe pas simptomave të para të koronavirusit u shtruar në spital ku fatkeqësisht nga insuficienca respiratore përfundoi në terapi intensive. Ndërsa disa ditësh më pas u diagnostikua me ‘sepsi’, një lloj infeksioni bakterial. E reja u operua me urgjencë, por ndërroi jetë vetëm 12 orë më pas.
Ndërkohë Ministria e Shëndetësisë në Poloni njoftoi se shkaku i drejtpërdrejtë i vdekjes së gruas nuk ishte koronavirusi, por ‘sepsis’, që megjithatë, është një infeksion që mund të jetë shkaktuar pikërisht nga Covid-19.
Gazeta vendase “The Lancet”, raporton se studimet e kryera në dy spitale kineze kanë treguar se mbi gjysma e pacientëve të shtruar në spital për koronavirus zhvillojnë këtë lloj infeksioni./Fjala.al/
