Bota është duke luftuar kundër armikut të padukshëm siç është koronavirusi i cili po vret mijëra njerëz në vende të ndryshme të globit.
Nga ana tjetër, shkencëtarët janë duke punuar për të gjetur një kurë kundër sëmundjes Covid-19.
Por, kompanitë farmaceutike ‘Regeneron Pharmaceuticals Inc.’ dhe ‘Sanofi’ në Shtetet e Bashkuara të Amerikës e kanë kurën e tyre.
Ato kanë trajtuar pacientin e parë me koronavirus duke përdorur kurën e tyre Kevzara, duke e shëruar atë plotësisht nga Covid-19.
Duke parë shërimin e pacientit të parë, dy kompanitë kanë menduar ta dërgojnë edhe jashtë Shteteve të Bashkuara të Amerikës kurën e tyre.
Ato e kanë nisur me Italinë, Spanjën, Gjermaninë, Francën dhe Japoninë, ku pritet si fillim që kurës t’i nënshtrohen afërsisht 300 pacientë.
Kevzara u pa që ishte tejet e efektshme në fillim të këtij muaji kur dy kompanitë menduan të trajtojnë një pacient me koronavirus me anë të kësaj kure, duke bërë që pacienti të shërohej plotësisht nga Covid-19.
