Kollitja është reagim refleks qc pastron rrugët e frymëmarrjes nga mukusi, ndërsa gjithashtu ekziston edhe kolla e thatë (joproduktiv), kolla irrituese, kolla e shoqëruar me nxjerrjen e sekretimit të bardhë dhe kolla me sekrecion të bollshëm dhe të dendur.
Çfarë duhet të dimë për kollën e thatë?
Deri më tani, dihen të gjitha simptomat tipike të koronavirusit, Covid-19, të cilat janë temperatura, vështirësi në frymëmarrje dhe kolla e thatë, dhe rreth 80% e të infektuarve i kanë këto simptoma.
Megjithëse, duket sikur këto simptoma janë lehtësisht të njohura, a e dimë të gjithë se çfarë është kolla e thatë dhe çfarë e dallon atë nga llojet e tjera të kollës?
“Në përgjithësi, kolla e thatë është kollë që nuk ka mukozë ose sekrecione, domethënë ky lloj i kollës nuk e përmbush qëllimin e saj – nxjerrjen e mukozës”, shpjegon Dr. Das Subinov, otorinolaringolog në Institutin për trajtimin dhe hulumtimin e sëmundjeve të sinuseve në Shtetet e Bashkuara.
“Kolla e lagur pasohet nga nxjerrja e mukusit nga bronket dhe fyti”, shton ai.
Kolla e thatë gjithashtu mund të tingëllojë ndryshe: “Ka tingull të barabartë, ndërsa shpesh shkaktohet nga ‘kërcimi’ në fyt. Gjithmonë tingëllon njësoj, pasiqë rrugët e frymëmarrjes në këtë rast janë gjithmonë në të njëjtën gjendje, dmth., nuk ka nxjerrje të sekrecionit”, sqaron Dr. Das.
Megjithatë, kolla mund të jetë aq e rëndë sa të mund ta lërë pa frymë pacientin plotësisht, ndërsa mund të dëmtohen edhe brinjët për shkak të sforcimit.
E rëndësishme është që të mbani mend, se kolla e thatë mund të jetë simptomë edhe e sëmundjeve të tjera, dhe jo vetëm e COVID-19, ndërsa disa prej tyre përfshijnë:
-Alergji
-Astmë
-Bronkiti
-Ftohje e zakonshme
Sidoqoftë, Dr. Das thekson se nëse keni ndonjë simptomë që ka të bëj me COVID-19, të tilla si temperatura e lartë, humbja e peshës, humbje e shqisës së shijes ose nuhatjes, çrregullime gastrointestinale, duhet të telefononi menjëherë autoritetet shëndetësore.
Sipas mjekut, deri më tani nuk ka këshilla të provuara më parë që ndihmojnë në zbutjen e kollës së thatë të shoqëruar me koronavirusin.
