Ministri në detyrë për Evropën dhe Punët e Jashtme, Gent Cakaj, gjatë takimit të zhvilluar në Medvegjë u takua me këshilltarët komunalë shqiptarë dhe drejtuesin e Grupit Qytetar “Të gjithë për Medvegjën”, Muharrem Salihu.
Në këtë takim u diskutua mbi nevojat që kanë shqiptarët në atë vend. U fol mbi të gjitha për rëndësinë e punës së përbashkët në ngritjen e problemit të rëndë të pasivizimit të adresave dhe domosdoshmërinë e përpilimit të një strategjie afatgjatë në shërbim të ruajtjes së faktorit shqiptar në Luginën e Preshevës.
Cakaj gjatë qëndrimit të tij vizitoi edhe disa shkolla, ndërmarrje dhe qendra të tjera në Medvegjë, të rëndësishme për zhvillimin e jetës së shqiptarëve që jetojnë në atë zonë.
Bo.Ba/fjala.al
