Policia Rrugore e Tiranës ka ushtruar kontrollet parandaluese si brenda dhe jashtë qytetit për shkeljet që janë jo vetëm rrezik i shtuar për aksidentet rrugore, por edhe fenomen shqetësues për mbarëvajtjen e trafikut në tërësi.
Si rezultat, burime zyrtare bëjnë me dije se:
–janë arrestuar 20 drejtues mjetesh, nga të cilët 5 në gjendje të dehur dhe 15 të papajisur me leje drejtimi;
–janë pezulluar 139 leje drejtimi, nga të cilat 10 për drejtim mjeti nën efektin e alkoolit, 89 për shpejtësi mbi normat e lejuara dhe 40 për shkelje të tjera të ndryshme;
-janë proceduar administrativisht 56 drejtues mjetesh, për shkelje të sinjalizimit të ndritshëm (semafor);
-janë proceduar 225 drejtues mjetesh të ndryshme, të cilët janë konstatuar se qarkullonin apo pushonin mjetet e tyre në korsitë e dedikuara të shërbimit publik dhe në pistat e rezervuara për biçikletat;
-janë proceduar 269 drejtues motomjetesh, për mospërdorim të kaskës mbrojtëse.
-janë proceduar 246 drejtues mjetesh, për përdorim të celularit gjatë drejtimit.
/En.Br./Fjala.al
