Një ngjarje e rëndë ka ndodhur këtë të martë në fshatin Milloshevë të Kosovë. Dy fëmijë kanë rënë në një pus me ujë dhe mësohet se një prej tyre është nxjerrë i pajetë, ndërsa për tjetrin vazhdojnë kërkimet nga ekipet e shpëtimit.
Policia e Kosovës njofton se fëmija i vdekur është i moshës rreth 10-12 vjeç.
“Me datë 16.06.2020 rreth orës 15:00, Policia ka pranuar informatën se në fshatin Milloshevë dyshohet se dy fëmijë kanë rënë në një pus. Policia me njësitet e saj ka dal në vendin e ngjarjes, si dhe ka njoftuar ekipet e emergjencës. Ekipi mjekësor ka konstatuar vdekjen e një fëmije rreth 10/12 vjeçar i nxjerrë nga pusi. Po ashtu janë njoftuar ekipet e kërkim shpëtimit për nxjerrjen edhe të një fëmije tjetër i cili dyshohet të ketë rënë në pus/ujë”, thuhet në njoftimin e Policisë./En.Br./Fjala.al
