Lionel Messi ka paralizuar negociatat për rinovimin e kontratës me skuadrën e Barcelonës dhe mendohet se do të largohet nga ajo verën e vitit 2021.
Ky lajm është bërë publik nga mediat spanjolle, të cilat raportojnë se pavarësisht faktit se kontaktet e para midis klubit dhe argjentinasit ishin në rrugën e duhur, ngjarjet e fundit kanë bërë që argjentinasi të rishqyrtojë qëllimin e tij për të rinovuar dhe vullneti i tij në këtë moment do të ishte të largohej nga skuadra e Barçës kur kontrata aktuale të mbarojë.
Sipas këtyre raportimeve Messi është i ngopur me diskutimet e vazhdueshme që vijnë nga ky klub dhe që e bëjnë atë përgjegjës për vendimet sportive me të cilat konsideron se nuk ka pasur asnjë lidhje. Argjentinasi ndihet i lodhur dhe kjo është arsyeja pse ai po mendon seriozisht përfundimin e kontratës së tij dhe largimin nga Barça.
Pavarësisht qëllimit të tij për të lënë klubin, për momentin, Messi nuk do të planifikonte të pranonte ndonjë ofertë specifike nga një ekip tjetër.ka.ta/Fjala.al/
