Për 24 orët e fundit Ministria e Shëndetësisë ka konfirmuar 108 raste pozitive me COVID-19 nga 477 teste të realizuara.
Rastet e reja janë nga: 49 në Tiranë, nga 11 raste në Durrës, Kavajë, 9 në Fier, 7 në Shkodër, nga 3 raste në Krujë, Kurbin, Tropojë, Berat, Mallakastër, 2 në Peqin, nga 1 rast në Korçë, Vlorë, Tepelenë, Shijak.
Numri i të infektuarve me COVID-19 në vendin tonë ka arritur në 4466 persona, 1820 prej të cilëve janë ende aktive.
Fatkeqësisht gjatë 24 orëve të fundit janë shënuar dhe tre humbje jete për shkak të koronavirusit, ku një prej tyre ka qenë pa sëmundje të tjera shoqëruese. Në total, numri i viktimave në vendin tonë ka arritur në 123.
Lajmi i mirë është se gjatë 24 orëve të fundit betejën me COVID-19 e kanë fituar dhe 60 pacientë të tjerë duke e çuar numrin e të shëruarve në 2523 që nga fillimi i epidemisë.
Vijon të ketë rritje të të shtruarve në spital, megjithë të shëruarit që kanë lënë dy spitalet COVID në 24 orët e fundit.
Aktualisht në spitalin Infektiv dhe spitalin “Shefqet Ndroqi” po trajtohen 126 pacientë, 22 janë në terapi intensive dhe 12 pacientë janë të intubuar.
COVID-19 – Statistika (23 Korrik 2020)
Testime totale 37311
Raste pozitive 4466
Raste të shëruara 2523
Raste Aktive 1820
Humbje jete 123
(Qarku Tiranë 64, Shkodër 20, Durrës 17, Fier 6, Elbasan 5, Vlorë 4, Kukës 3, Lezhë 1, Berat 1, Dibër 1, Korçë 1)
Shpërndarja gjeografike e rasteve aktive sipas qarqeve:
Tiranë 941
Durrës 211
Shkodër 202
Vlorë 98
Lezhë 82
Korçë 64
Fier 52
Kukës 49
Elbasan 46
Berat 32
Gjirokastër 23
Dibër 20
/En.Br./Fjala.al
