“COVID-19 është një mesazh që mundet nga të gjithë ne” Ky është mesazhi i mjekut O.R.L, në QSUT, Klevis Thomai drejtuar qytetarëve.
Në një video të shpërndarë nga ministrja e Shëndetësisë, Ogerta Manastirliu, ai bën apel për të respektuar masat dhe për të ndihmuar shërbimin shëndetësor në Shqipëri për të mposhtur koronavirusin.
Mjeku Klevis Thomai iu bën thirrje qytetarëve të mbajnë maskat, të ruajnë distancën, të mbajnë barriera tekstile, të kenë kujdes në zyra pasi nuk mjafton vetëm kujdesi nga një person.
”Jam Klevis Thomai mjeku O.R.L, në QSUT, dhe gjej momentin për t’iu dhënë një mesazh sensibilizues mjaft të rëndësishëm për të gjithë. Sepse bota po përballet aktualisht me një virus mjaft të rrezikshëm dhe vdekjeprurës. Koha të tregohemi të përgjegjshëm. Na ndihmoni ta mundim këtë virus. Vetëm ne mjekët, infermierët, spitalet nuk ia dalim dot. Është virus që mundet nga të gjithë bashkë ne. Koha të respektojmë distancimin social, maskën, barriera prej tekstili. Të kemi kujdes në zyra, mos neglizhojmë. Një person mund të ruaje veten, por është e kotë nëse nuk e bëjnë të tjerët. Lufto virusin me të gjithë ne. Të kthehemi sa më shpejt në normalitet dhe të takojmë njerëzit e dashur. ”– tha Thomai.
/En.Br./Fjala.al
https://www.facebook.com/OgertaManastirliu/videos/207600763986570/