Ngjarja tronditëse e ndodhur në Pogradec ku një 14-vjeçare u përdhunua sistematikisht dhe u rrah brutalisht nga një 46-vjeçar ka shokuar mbarë opinionin publik.
Abuzimi ka ndodhur në banesën e autorit, Blerim Bizgjonit, ku ai jetonte me vajzat dhe bashkëshorten. Kjo e fundit nuk ka mundur të dëshmojë në polici për ngjarjen pasi për shkak të një aksidenti ajo nuk mund të flasë.
Ngjarja ka ndodhur në fshatin Vërdovë të Pogradecit, ku Blerim Bizgjoni ka përfituar nga kushtet e skajshme të varfërisë së familjes Qesolli dhe ka përdhunuar vajzën e mitur.
Prej një viti e gjysmë Bizgjoni merrte në banesën e tij të miturën me pretekstin se ajo do të mësonte me vajzën e tij dhe do ta ushqente duke ndihmuar kështu familjen e saj.
Mësohet se 46-vjeçari ka kryer marrëdhënie seksuale me të miturën ditën e Kurban Bajramit dhe më pas e ka kërcënuar vajzën që të mos tregojë gjë. Ajo është mbajtur në ballkon e lidhur nga autori nën kërcënim.
Vajza, në datën 1 gusht ka ikur në banesën e saj por nuk ka treguar asgjë tek prindërit. Më pas duke e kërcënuar autori ka arritur ta kthejë sërish në banesë e tij.
Vajza ka rrëfyer për ngjarjen në polici ku një detaj tjetër ka ngritur shqetësime tek grupi hetimor. Vajza ka treguar se ditën kur ka shkuar në shtëpinë e Bizgjonit, atje ka qenë një vajzë tjetër, të cilën ai e kishte larguar nga shtëpia po atë ditë.
Minorenia ka dëshmuar në polici se me familjen e Blerim Bizgjonit kishin lidhje krushqie, ndërkohë që abuzimi më të ka vijuar për më shumë se një muaj./Re.Gu/Fjala.al