Një djalë i ri, i dyshuar për tentativë vrasje ndaj një personi, ka përfunduar në prangat e policisë së Elbasanit.
I arrestuari është 25-vjeçari Rafael Greca, i cili ishte shpallur në kërkim për tentativë vrasje.
Kapja e tij u bë gjatë kontrollit të territorit nga policia me mbështetjen e FNSH dhe repartit RENEA, për kapjen e personave të cilësuar kontigjentë kriminalë.
Ndaj Rafael Greca, 25 vjeç, banues në Elbasan, Gjykata e Elbasanit, ka caktuar masën e sigurisë “Arrest me burg”, për veprat penale “Vrasje në rrethana të tjera cilësuese” e kryer në bashkëpunim, e mbetur në tentativë, dhe “Mbajtja pa leje e armëve të zjarrit”.
I riu në bashkëpunim me shtetasin E.T., i cili është shpallur në kërkim policor, më datë 26 shkurt, në lagjen “Haxhias”, Elbasan, gjatë një konfliktit për motive të dobëta kanë qëlluar me armë zjarri shtetasin E.B., pa pasoja për jetën
Aktualisht vijon puna për kapjen edhe të shtetasit E.T., ndërkohë që materialet iu referuan Prokurorisë Elbasan, për ndjekje të mëtejshme./Bl.Ba/Fjala.al